തിരുവനന്തപുരം: നഗരഭരണം മികച്ചതാക്കാൻ സംസ്ഥാനത്തെ കോർപറേഷനുകളിലും മുനിസിപ്പാലിറ്റികളിലും സിറ്റി കാബിനറ്റ് ചേർന്ന് പദ്ധതികൾ നടപ്പാക്കുന്നതിന് അംഗീകാരം നൽകാൻ നഗരനയത്തിൽ നിർദേശം.
ഇന്നലെ ചേർന്ന പ്രത്യേക മന്ത്രിസഭായോഗം അംഗീകരിച്ച നഗരനയത്തിലാണ് മന്ത്രിസഭയുടെ മാതൃകയിൽ സിറ്റി കാബിനറ്റും വിഭാവന ചെയ്യുന്നത്.
തദ്ദേശ വകുപ്പു മന്ത്രിസഭയിൽ അവതരിപ്പിച്ച നഗരനയത്തിൽ ഭേദഗതി വരുത്തിയാണ് മന്ത്രിസഭ അംഗീകരിച്ചത്. സംസ്ഥാനത്ത് അതിവേഗം നഗരവത്കരണം നടക്കുന്നതിനാൽ, കോർപറേഷനുകളിലെയും മുനിസിപ്പാലിറ്റികളിലെയും ഭരണസംവിധാനം കൂടുതൽ മികച്ചതാക്കുന്ന നടപടികളാണ് ഇതിൽ ഉൾപ്പെടുത്തിയിട്ടുള്ളത്.
രാജ്യത്ത് ഇത്തരമൊരു നഗരനയം തയാറാക്കുന്ന ആദ്യ സംസ്ഥാനമാണ് കേരളമെന്ന് മന്ത്രിസഭ വിലിയിരുത്തി.